Konferanse og utdeling av vaksenopplæringsprisen i Møre og Romsdal
Vellukka dagkonferanse i Kristiansund om korleis vi kan motverke utanforskap hjå ungdom.
Dagkonferansen "Deltaking og meistring heile livet" vart skipa til på Campus Kristiansund torsdag 28. november.
Fokus for konferansen var spesielt på korleis ein kan motverke utanforskap hjå ungdom, til dømes gjennom tilretteleggjing for deltaking i frivillige og interessebaserte aktivitetar. Dette er eit prosjekt som Vofo Møre og Romsdal har arbeidd med i 2024.
Vaksenopplæringsprisen i Møre og Romsdal
Vaksenopplæringsprisen for Møre og Romsdal 2024 vart tildelt Gossen Bygdekvinnelag. Prisen vart utdelt av fylkesordførar Anders Riise.
Leiar i Gossen Bygdekvinnelag, Kjellaug Urdhals, heldt ein strålande presentasjon av laget sitt virke sidan oppstarten, og korleis dei får med seg heile bygda i ymse aktivitetar. Mellom anna driv laget med opplæring av unge i ulike mattradisjonar og kulturhandverk, dei er aktive innan integrering og opplæring på tvers av generasjonar. Dette laget er eit godt døme på kor viktig læring i frivilligheit er!
